ग्रिनपिस सुपरलिगमा भोल्टस् र टाइटन्स् विजयी

विराटनगर । विराटनगरको ग्रिनपिस स्कुलको ओयाजनामा विराटनगरमा जारी ग्रिनपिस सुपरलिगमा भोल्टस् र टाइटन्स् विजयी भएका छन् ।

पहिलो खेलमा वारिर्यसलाई भोल्टस्ले २८ रनले पराजित गरेको छ । टस जितेर ब्याटिङ गरेको भोल्ट्सले २० ओभरमा सवै विकेट गुमाई १ सय ५८ रनको योगफल तयार गरेको थियो । भोल्टस्का महमद अफतावले ४९ रन बनाउँदा मुर्सिद मन्सुरले २४ रनको योगदान दिए । वारिर्यसका महमद जाहिद ३ विकेट लिँदा सलमान रैनले पनि ३ विकेट लिए ।

१ सय ५९ रनकोे लक्ष्य पाएको वारिर्यसले पुरै ओभर खेल्दै ९ विकेटमा १ सय ३० रन मात्र बनाउँन सक्यो । वारिर्यसका अब्बु अन्सारीले ३७ रन बनाउँदा महमदन जाहिदले १९ रनको योगदान दिए । भोल्टस्का प्लेयर अफ द म्याच महमद पिदा हुसैनले ५ विकेट लिए ।

दोस्रो खेलमा टाइटन्स्ले लायन्सलाई ६६ रनले पराजित गरेको छ । टस जितेर ब्याटिङ गरेको टाइटन्स्ले १८ ओभरमा ६ विकेट गुमाई १ सय १६ रनको योगफल तयार गरेको थियो । प्लेयर अफ द म्याच टाइटन्स्का रहमद हुसैनले ३० रन बनाउँदा इफ्रिदि मियाले २४ रनको योगदान दिए । लायन्सका महमद सवादुल २ विकेट लिँदा महमद समिमले पनि २ विकेट लिए ।

१ सय १७ रनकोे लक्ष्य पाएको लायन्सले १३ ओभर खेल्दै सवै विकेट गुमाई ६० रन मात्र बनाउँन सक्यो । लायन्सका अल्ताफ शेखले १५ रन बनाउँदा सादिक आलमले १९ रनको योगदान दिए । टाइटन्स्का मिराज शेखले ३ विकेट लिँदा रहमद हुसैनले २ विकेट दिए ।