चितवनमा कार दुर्घटना, डा. विप्लव भट्टको मृत्यु

विराटनगर । चितवनमा कार दुर्घटना हुँदा एक चिकित्सकको मृत्यु भएको छ। मृत्यु हुनेमा भरतपुर महानगरपालिका–२ बस्ने डा. विप्लव भट्ट रहेका छन्।

शनिबार बिहान करिब १ः३० बजे बा १५ च ४६९३ नम्बरको कार भरतपुर महानगरपालिका–१० रमाइलो चोकबाट विशालचोकतर्फ जाँदै गर्दा अनियन्त्रित भई सडक छेउको रुखमा ठोक्किएको जिल्ला प्रहरी कार्यालय चितवनले जनाएको छ।

कार रुखमा ठोक्किँदा गम्भीर घाइते भएका भट्टलाई तत्कालै उपचारका लागि पुरानो मेडिकल कलेज लगिएको थियो। तर, उपचारकै क्रममा आज बिहान उनको मृत्यु भएको प्रहरी उपरीक्षक (एसपी) गोविन्द पुरीले जानकारी दिए।

प्रहरीका अनुसार दुर्घटनाको कारणबारे अनुसन्धान भइरहेको छ।