August 30, 2025
इटहरीको पाथीभरा सेकेन्डरी स्कुलमा विद्यार्थीलाई एआई तालिम
विराटनगर ।सुनसरीको इटहरीस्थित पाथीभरा सेकेन्डरी स्कुलले आफ्ना विद्यार्थीहरूलाई कृत्रिम बुद्धिमत्ता (एआई) सम्बन्धी तालिम प्रदान गरेको छ।
कक्षा ६ देखि ९ सम्मका ८ सयभन्दा बढी विद्यार्थीलाई एआई तालिम दिइएको विद्यालयले जनाएको छ। तालिमको सहजीकरण एनपिआईका प्रशिक्षक लिलाराज भट्टराईले गरेका हुन्।
विद्यालयका प्रिन्सिपल डा. गोपाल श्रेष्ठका अनुसार विद्यार्थीमा स्मार्ट अध्ययनको विकास गराउन तालिम सञ्चालन गरिएको हो। ‘‘किताबी ज्ञान मात्र नभई जीवनोपयोगी विभिन्न क्रियाकलापमा समेत जोड दिइएको छ,’’ विद्यालयका अध्यक्ष निर्मल रिजालले बताए।
एआईको सही प्रयोगले विद्यार्थीले घण्टौँ लाग्ने काम केही मिनेटमै सम्पन्न गर्न सक्ने प्रशिक्षक भट्टराईले बताए।
सो अवसरमा विद्यालयले ८ जना प्रशिक्षकमार्फत १५ सेसनमा विभिन्न विषयमा तालिम सञ्चालन गरेको छ।