मधेस प्रदेश प्रमुख सुमित्रा सुवेदी भण्डारी बर्खास्त, सुरेन्द्र लाभको नाम सिफारिस

विराटनगर । सरकारले मधेस प्रदेश प्रमुख सुमित्रा सुवेदी भण्डारीलाई पदबाट बर्खास्त गरेको छ। प्रधानमन्त्री पुष्पकमल दाहाल ‘प्रचण्ड’को अध्यक्षतामा सोमबार बसेको मन्त्रिपरिषद्को बैठकले भण्डारीलाई तत्काल प्रभावबाट पदमुक्त गर्ने निर्णय गरेको हो।

भण्डारीले आइतबार राति नेकपा (एमाले)का मधेस प्रदेश संसदीय दलका नेता सरोजकुमार यादवलाई मुख्यमन्त्रीमा नियुक्त गरी होटलमा शपथ ग्रहण गराएको विवादको केही घण्टामै सरकारले उनलाई हटाएको हो।

सरकारले भण्डारीलाई पदमुक्त गर्दै नयाँ प्रदेश प्रमुखका रूपमा सुरेन्द्र लाभको नाम राष्ट्रपति समक्ष सिफारिस गरेको छ। मन्त्रिपरिषद्को निर्णयपछि राष्ट्रपति कार्यालयमा लाभको नाम पठाइएको सरकारी स्रोतले जनाएको छ।

मधेस प्रदेशमा एकलौटी निर्णय, संवैधानिक मर्यादा र राजनीतिक शिष्टाचार उल्लङ्घन भएको आरोपपछि सरकारको निर्णय आएको हो। नयाँ प्रदेश प्रमुखले पद तथा गोपनीयताको शपथ लिएपछि औपचारिक रूपमा कार्यभार सम्हाल्नेछन्।