कोसी प्रदेशसभा बैठक सरेर साउन ११ गते बस्ने

विराटनगर । कोसी प्रदेशसभाको बैठक सारिएको छ । यसअघि बुधबार (साउन ७ गते) दिउँसो १ बजेका लागि तय गरिएको बैठक अब यही साउन ११ गते दिउँसो १ बजे बस्ने भएको छ ।

प्रदेशसभा सचिवालयका कार्यवाहक सचिव गौतमराज अमात्यले विशेष कारणले बैठकको मिति पर सरेको जानकारी दिएका छन् । उनका अनुसार बैठक साउन ११ गते दिउँसो १ बजेका लागि पुनः निर्धारण गरिएको हो ।

प्रदेशसभा बैठक सरिनुका कारणबारे विस्तृत जानकारी सार्वजनिक गरिएको छैन ।